Самарқанд вилояти ҳокимлиги w w w . s a m a r k a n d . u z

МУРОДЖОН ТОЖИЕВНИНГ ЖАСОРАТИ ХОТИРЛАНДИ

МУРОДЖОН ТОЖИЕВНИНГ ЖАСОРАТИ ХОТИРЛАНДИ

Жомбойлик Муроджон Тожиев болаликдан ҳарбийларга ҳавас қилиб улғайди. Шу боис мактабни битиргач, Ватан ҳимояси учун хизматга отланди. 

Чегара қўшинларидаги йигитлик бурчини ўташ жараёнида жанговар тайёргарлигини оширишга интилди, соҳадаги билими, кўникмаларини янада бойитиш мақсадида Сержантлар тайёрлаш мактабида таҳсил олди. У гуруҳ командири ўринбосари сифатида юртимиз сарҳадлари дахлсизлигини сақлашга, давлат чегараларини ғараз ниятли кимсалардан ҳимоя қилишга бел боғлаганди.

Афсуски, 2011 йилда Муроджон хизмат вазифасини бажариш чоғи, мамлакатимиз чегарасини бузиб кираётган бир гуруҳ ғаламисларга қарши мардонавор курашиб, ҳалок бўлди. У вафотидан сўнг Президентимиз фармонига кўра “Жасорат” медали билан тақдирланди. Марҳум чегарачининг оила аъзолари Ўзбекистон Республикаси Чегара қўшинлари томонидан намунавий лойиҳадаги тўрт хонали уй-жой билан таъминланди.

Ватан ҳимоячилари куни арафасида мамлакатимиз чегара қўшинлари офицерлари, Жомбой тумани ҳокимлиги ва жамоатчилиги вакиллари Тожиевлар хонадонига ташриф буюрди. Муроджонинг турмуш ўртоғи Раъно Тоштемирова, ўғли Шуҳратжон ва қизи Ёдгорага байрам муносабати билан совғалар топширишди.

Жасур чегарачи хотирасини ёд этиш учун йиғилганлар Ватан сарҳадларини қўриқлаш, унинг дахлсизлигини таъминлаш ҳар бир йигит учун шараф эканлиги, эл-юрт тинчлиги йўлида хизмат қилган мард ўғлонларнинг жасорати ҳеч қачон унутилмаслигини таъкидлашди.

Абдурасул Ашуров


Охирги ўзгариш: 14/01/2016 21:13.   Кўрилганлиги: 641
 
Материал манзили: https://samarkand.uz/press/news/murodjon-tojievning-jasorati-xotirlandi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг