Самарқанд вилояти ҳокимлиги w w w . s a m a r k a n d . u z

МУЛКДОР БЎШ ТУРГАН БИНОДАН ФОЙДАЛАНМАСА ўн баробар солиқ тўлайди

МУЛКДОР БЎШ ТУРГАН БИНОДАН ФОЙДАЛАНМАСА ўн баробар солиқ тўлайди

Самарқанд вилоятининг 2018 йилга мўлжалланган “Йўл харитаси”га мувофиқ, 109 та бўш турган объектни ишга тушириш бўйича янги лойиҳалар ишлаб чиқилиб, 136,4 миллиард сўм ва 25,9 миллион доллар миқдорида инвестиция жалб қилиниши натижасида 2100 дан ортиқ доимий иш ўринлари яратилади.

Бу ҳақда Давлат рақобат қўмитаси, Ўзбекистон Истеъмолчилар ҳуқуқларини ҳимоя қилиш жамиятлари федерацияси, Республика товар-хомашё биржаси ва вилоят ҳокимлиги томонидан “Товар бозорларини либераллаштириш - фаол тадбиркорликни ривожлантириш, инновацион ғоялар ва технологияларни жорий этишни қўллаб-қувватлашнинг бош омили” мавзусида ташкил этилган икки кунлик минтақавий семинарда маълумот берилди.

- 2018 йил 1 майдан мулкдорлар бўш турган бинолар учун мулк ва ер солиғини икки баробар оширилган миқдорда тўлашлари белгиланган, - дейди Давлат рақобат қўмитаси марказ директори Равшан Асқаров. – Агар мулкдор бундан тўғри хулоса чиқармаса, 6 ой ўтгандан сўнг беш баробар, 12 ойдан сўнг ўн баробар оширилган миқдорда солиқ тўлайди. Шунга кўра, аввал хусусийлаштирилган объектларни хўжалик фаолиятига жалб қилиш бўйича барча енгиллик, имтиёзлар ва давлат кўмагидан оқилона фойдаланган ҳолда бўш турган ишлаб чиқариш майдонлари негизида инвестиция лойиҳаларини муддатида амалга ошириш талаб этилади.

Семинарда вилоят ҳокими ўринбосари О.Бобоев иштирок этди.

 

Ў.Худойбердиев.


Киритилган вақти: 05/04/2018 20:20.   Кўрилганлиги: 50
 
Материал манзили: https://samarkand.uz/press/news/mulkdor-bosh-turgan-binodan-foydalanmasa-on-barobar-soliq-tolaydi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 4

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг