Самарқанд вилояти ҳокимлиги w w w . s a m a r k a n d . u z

“МИРЗО УЛУҒБЕК” ЯНА САМАРҚАНДДА

“МИРЗО УЛУҒБЕК” ЯНА САМАРҚАНДДА

Ҳамид Олимжон номидаги Самарқанд вилояти драма ва мусиқали театрида Мақсуд Шайхзоданинг “Мирзо Улуғбек” тарихий драмаси асосида саҳнага қўйилган спектакль премьераси бўлиб ўтди.

Буюк олим Мирзо Улуғбекнинг давлат арбоби, илм-фан ҳомийси сифатида амалга оширган ишлари, бу йўлда унга қарши турган ёвуз кучлар билан кечган зиддиятлар, жаҳолатга қарши маърифат билан курашиш, олам ва одам ҳақидаги фалсафий мушоҳадалар мазкур саҳна асарининг бош ғоясини ташкил этади.


– Бугун мамлакатимиз театрларида тарихий асарларнинг қайта саҳналаштирилиши миллий театр санъатимиз анъаналарини давом эттириш, мумтоз асарларни янгича талқинда томошабин ҳукмига ҳавола қилиш учун катта имкониятдир, – дейди спектакль режиссёри, Ўзбекистон Республикаси санъат арбоби Олимжон Салимов. – Шунинг учун Самарқанд театри Мақсуд Шайхзоданинг “Мирзо Улуғбек” асарини саҳналаштириш учун таклиф қилганда катта иштиёқ билан ишга киришдим. Ушбу драма илгари мазкур театрда ҳам қўйилган ва катта шуҳрат қозонган. Бунинг масъулиятини ҳис қилган ҳолда, барчамиз – режиссёр ва актёрлар, рассомлар асарни устозларимиз яратган даражага етказишга ҳаракат қилдик. Ҳар бир диалог, саҳна безаклари, артистлар ижросига алоҳида эътибор қаратилди. Асар матни, айрим саҳна кўринишлари бугунги кун талабидан келиб чиқиб, адабиётшунос олим Шуҳрат Ризаев томонидан қайта ишланди.


Ўзига хос ижодий тажриба сифатида саҳнага қўйилган мазкур спектаклда вилоят театри ижодий жамоаси, тажрибали актёрлар ва умидли ёш истеъдодлар роллар ижро этмоқда. Мирзо Улуғбек ролиниЎзбекистон халқ артисти Эркин Комилов юксак маҳорат билан ижро этмоқда.




Киритилган вақти: 16/03/2016 19:35.   Кўрилганлиги: 685
 
Материал манзили: https://samarkand.uz/press/news/mirzo-ulugbek-yana-samarqandda

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг