Самарқанд гарнизони ҳарбий қисм хизматчилари Самарқанд шаҳридаги 1-сон меҳрибонлик уйига ташриф буюрди.

Ўзбекистон Республикаси Қуролли Кучларининг 25 йиллиги муносабати билан 20 декабрдан 20 январгача ўтказилаётган ватанпарварлик ойлиги доирасида ташкил этилган учрашув болажонларда катта таассурот қолдирди.

– Бундай учрашувлар ёш авлоднинг ватанпарварлик руҳида камол топишига хизмат қилади, – дейди подполковник К.Тошпўлатов. – Ўзимиз ҳам болаликда ҳарбийларни кўрсак, уларга ҳавас билан қарардик, Ватан ҳимоячиси бўлишни орзу қилардик. Бугун болажонлар нигоҳида ана шундай ҳавасни кўриб, уларнинг ҳаяжонини ҳис қилиб турибман.

Тадбир якунида ҳарбий хизматчилар томонидан тарбияланувчиларга совғалар улашилди.

Ўз мухбиримиз