Делегация аъзолари Пастдарғом туманидаги “Пастдарғом саховати” қўшма корхонасида гидропоника усулида ташкил қилинган иссиқхона фаолияти билан танишди.

Суғд вилояти раиси Ражаббой Аҳмадзода ва суғдлик тадбиркорларни бу ерда замонавий усулда компьютерлаштирилган технологиялар асосида помидор етиштириш ва уни хорижга экспорт қилиш жараёни қизиқтириб қўйди. Суғдлик тадбиркорлар ушбу корхона билан ҳамкорликда Тожикистонда шу каби иссиқхоналар ташкил қилишга келишиб олди.