Самарқанд вилояти ҳокимлиги w w w . s a m a r k a n d . u z

Матбуот анжумани. Ҳамкорлик истиқболни белгилайди

Матбуот анжумани. Ҳамкорлик истиқболни белгилайди

Вилоят Матбуот уйида жорий йилнинг 14-16 июнь кунлари шаҳримиздаги «Садаф» базмгоҳида бўлиб ўтадиган «Ўзбекистон инфратузилмаси 2017» халқаро кўргазмасига бағишланган матбуот анжумани ўтказилди.

Анжуманда сўзга чиққан кўргазма ташкилотчиси «Конгресс сервис» масъулияти чекланган жамияти раҳбари Б. Ирматов, кўргазма менежери А. Маҳмудова, Ўзбекистон Республикаси Савдо-саноат палатаси вилоят ҳудудий бошқармаси бошлиғи Ж. Ўроқов оммавий ахборот воситалари ходимларига «Ўзбекистон инфратузилмаси 2017» халқаро кўргазмасининг аҳамияти, мақсад ва вазифалари, мамлакатимиз иқтисодиётини барқарор ривожлантиришдаги ўрни ҳақида гапиришди.


— Самарқанд айни пайтда мамлакатимизнинг саноат, хусусий тадбиркорлик жадал ривожланаётган ҳудудларидан бири ҳисобланади, — дейди кўргазма менежери Азиза Маҳмудова. — Вилоятда қурилиш, фармацевтика, кимё саноати, мева-сабзавотларни қайта ишлаш, озиқ-овқат маҳсулотлари ишлаб чиқариш, қишлоқ хўжалиги, машинасозлик ва сайёҳлик тармоқлари юқори суръатларда ривожланмоқда. Айни жараёнда ўзаро ҳамкорликни ривожлантириш, замонавий ишлаб чиқариш технологияларини амалиётга жорий этиш долзарб вазифалардан саналади. Шу мақсадда ташкил этилаётган кўргазмада қирққа яқин хорижий компания тиббиёт, қишлоқ хўжалиги, озиқ-овқат саноати, қурилиш ва тикувчилик соҳасидаги энг замонавий асбоб-ускуналар, мини технологиялари билан иштирок этади. Бу маҳаллий ишбилармонлар, тадбиркорлар учун яна бир қулайликдир.

Таъкидлаш жоизки, кўргазмада вилоятимиз тадбиркорлари билан бирга Навоий эркин иқтисодий зонаси ва Жиззах махсус саноат зонаси тадбиркорлари ҳам иштирок этади.

Кўргазма тўғридан тўғри буюртмалар ва етказиб беришлар бўйича иштирокчиларнинг маҳаллий ҳокимият, йирик давлат корхоналари, акциядорлик компаниялари вакиллари билан яккама-якка музокаралари учун кенг имкониятлар яратади.

Матбуот анжумани давомида ОАВ ходимлари ўзларини қизиқтирган саволларига мутасаддилардан атрофлича жавоб олишди.

  Алишер ИСРОИЛОВ



Киритилган вақти: 06/06/2017 19:06.   Кўрилганлиги: 417
 
Материал манзили: https://samarkand.uz/press/news/matbuot-anjumani-hamkorlik-istiqbolni-belgilaydi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг