МАТБУОТ АНЖУМАНИ

Вилоят статистика бошқармасида тадбиркорлик субъектлари ва фуқароларга статистика идоралари томонидан электрон хизмат кўрсатиш борасида амалга оширилаётган ишларга бағишланган матбуот анжумани бўлиб ўтди.

Туман ва шаҳар статистика идоралари мутасаддилари, ҳокимликлар қошидаги “Бир дарча” марказлари мутахассислари, оммавий ахборот воситалари ходимлари иштирокида ўтган анжуманда аҳолига статистик хизматларни ахборот-коммуникация технологиялардан фойдаланган ҳолда комплекс ҳамда сифатли хизмат кўрсатиш, жисмоний ва юридик шахсларга интерактив давлат хизматларини тақдим этиш масалалари муҳокама қилинди.

Ўзбекистон Республикаси Президентининг 2008 йил 13 ноябрдаги “Давлат статистика органлари тизимининг дастурий-техникавий таъминоти ва кадрларнинг профессионал малакаси даражасини оширишга оид қўшимча чора-тадбирлар тўғрисида”ги Қарорига мувофиқ барча статистика идоралари замонавий компьютер техникалари, керакли жиҳозлар билан таъминланди.

Тизим ходимларининг ахборот-коммуникация технологиялар бўйича замонавий дастурий таъминот, статистик маълумотларни таҳлил қилиш, қайта ишлашга оид кўникмалари оширилди. Бунинг самарасида аҳолининг вақтини, қоғоз сарфини тежайдиган, қолаверса, тизимдан оқилона фойдаланишни таъминлайдиган интерактив хизматлар тизими жорий этилди.

Анжуманда бошқарманинг расмий веб-сайти www.samstat.uz да тадбиркорлар учун алоҳида бўлим ташкил этилгани, унда электрон кўринишда ҳисобот тақдим этиш тартиблари, ҳисоботларни тўлдириш кўрсатмалари, ҳар чоракда танланма кузатувга тушадиган тадбиркорлик субъектлари рўйхати, фирма номларини захирага қўйиш, ҳисобот шакллари ва Давлат статистика қўмитаси томонидан нашр этилаётган тўпламлар ҳақида тушунча берилди.

Долзарб мавзуга бағишланган анжуман давомида кўплаб саволларга жавоб берилди.


Киритилган вақти: 04/03/2016 19:06.   Кўрилганлиги: 425

 

Сўровнома


Сайтга баҳо беринг

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 4

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг