27 июн матбуот ва оммавий ахборот воситалари ходимлари куни

Мамлакатимиз тараққиёт йўлининг ҳар томонлама тўғри ва ҳаётий эканини, демократик давлат ва фуқаролик жамияти қуриш борасида эришилган ютуқларнинг аҳамиятини халқимиз ва жаҳон жамоатчилигига етказиш оммавий ахборот воситалари ходимларининг долзарб вазифасидир. 

27 июн матбуот ва оммавий ахборот воситалари ходимлари куни муносабати билан вилоят ҳокимлигида ташкил қилинган байрам тадбирида ушбу жиҳатлар алоҳида эътироф этилди.

 Вилоятимизда фаолият кўрсатаётган матбуот ва оммавий ахборот воситалари хоимдалари, матбуот тарқатиш билан шуғулланадиган корхоналар вакиллари, кенг жамоатчилик иштирокида ўтган тадбирда  вилоят ҳокими вазифасини бажарувчи Туробжон Жўраев оммавий ахборот воситалари ходиларини касб байрами билан табриклаб, уларнинг жамият тараққиётидаги ўрни ҳақида гапириб ўтди.



Чиндан ҳам, вилоят ҳокими алоҳида қайд этиб ўтганидек, давлат ва ҳокимият идоралари фаолиятининг очиқлигини таъминлаш мақсадида жойларда амалга оширилаётган туб ислоҳотлар, фуқароларнинг ҳуқуқий саводхонлигини ошириш, ижтимоий-сиёсий фаоллигини юксалтириш, жамоатчилик назоратини кучайтириш, давлат ва жамият ўртасида шаффоф муносабатни қарор топтириш ҳам оммавий ахборот воситалари олдида турган вазифалар сирасига киради.

Ўзбекистон Республикаси Конституциясида фуқароларнинг фикрлаш, сўз ва эътиқод эркинлиги, ахборот излаш, олиш ва уни тарқатишга оид ҳуқуқлари, оммавий ахборот воситалари эркин ва қонунга мувофиқ фаолият юритиши, ахборот хавфсизлигига доир кафолатларнинг асосий тамойилларини белгиловчи меъёрлар мустаҳкамлаб қўйилган.

               Тадбирда ҳар йили анъанавий ўтказиб келинадиган танловлар ғолибларига ҳамда соҳада фаол меҳнат қилиб келаётган матбуот ва оммавий ахборот воситалари ходимларига  вилоят ҳокимлигининг ҳамда Ўзбекистон Журналистлари ижодий уюшмасининг эсдалик совғалари ҳамда дипломлари топширилди.

Тадбир иштирокчилари Самарқанд туман ҳокимлигининг нашри бўлган “Гулобод тонги” газетаси таҳририятининг янги биносининг очилиш маросимида ҳам иштирок этиб, таҳририятда ижодий ва техник ходимлари учун яратилган имкониятлар билан яқиндан танишди.







Охирги ўзгариш: 27/06/2017 19:49.   Кўрилганлиги: 393

 

Сўровнома


Сайтга баҳо беринг

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг