“Қувноқ ва зукко талабалар” кўрик-танловининг биринчи тур тўртинчи беллашуви бўлиб ўтди.

Беллашувда Самарқанд давлат университетининг “Камолот”ҳамда Самарқанд қишлоқ хўжалик институтининг “Самарқандлик болалар” жамоалари беш йўналиш бўйича маҳоратларини намойиш этди.

Ушбу кўрик-танлов талабаларнинг интеллектуал ва маънавий салоҳиятини ошириш, жамиятда фаоллигини кучайтиришга қаратилгани билан аҳамиятлидир. Бунда талаба-ёшлардакундалик ҳаётда учраб турадиган муаммолар, камчилик ва нуқсонларни ҳажвий ва сатирик жанрлар орқали кўрсатиб бериш қобилияти шаклланади ва улар томонидан бундай ҳолатларга муносабат билдиришга ўргатади.

Қизиқарли кечган баҳслар якунида Самарқанд давлат университетининг “Камолот” жамоаси ғолиб деб топилиб, кейинги босқичда қатнашиш имконига эга бўлди.