Нарпай туманида шу номдаги кўрик-танлов ғолибларини тақдирлаш маросими бўлиб ўтди. Танлов аввалида тумандаги маҳаллаларда тадбиркорлик, ҳунармандчилик билан шуғулланаётган аёллар маҳсулотлари кўргазмаси бўлиб ўтди. 

- Ҳудудимизда 200 га яқин тадбиркор аёл фаолият кўрсатмоқда, - дейди Нарпай туман ҳокими ўринбосари, хотин-қизлар қўмитаси раиси М.Мирзавалиева. – Танловда тадбиркорликни бошлаган ёки узоқ йиллардан бери ҳунармандчилик қилиб келаётган хотин-қизлар иштирок этди. Уларни рағбатлантириш орқали тадбиркорликка қизиқтириш, фаолиятини кенгайтириш мақсадида тадбиркорлик, ҳунармандчиликнинг турли йўналишларида иш олиб бораётган хотин-қизларни жалб этдик.

Тадбир давомида Марказий банк вилоят бош бошқармаси, Савдо-саноат палатаси вилоят бўлими вакиллари, вилоят «Тадбиркор аёллар» уюшмаси раиси томонидан иштирокчиларнинг соҳа юзасидан саволларига жавоб берилди.