Самарқанд вилояти ҳокимлиги w w w . s a m a r k a n d . u z

КЎҲНА АФИНА БИЛАН ҲАМКОРЛИК ҚИЛАМИЗ

КЎҲНА АФИНА БИЛАН ҲАМКОРЛИК ҚИЛАМИЗ

Самарқанд тадбиркорлар уюшмаси нодавлат нотижорат ташкилотида Ўзбекистоннинг Грециядаги бош консули Олим Қосимов иштирокида тадбиркорлар ва жамоатчилик вакиллари билан учрашув ташкил этилди. 

Учрашувда Президентимизнинг жорий йил 12 январдаги Ташқи ишлар вазирлиги ва мамлакатимизнинг хорижий давлатлардаги элчихоналари фаолиятига бағишланган йиғилишдаги топшириқлари ижроси муҳокама қилинди.

- Давлатимиз раҳбари томонидан биз, элчиларга мамлакат иқтисодиётини ривожлантириш, экспортни кўтариш, импортни йўлга қўйиш, инвестициялар жалб қилиш борасида янгича вазифалар қўйилди ва ушбу йўналишда катта ишлар амалга оширилмоқда, - дейди О.Қосимов. – Бу вазифалар ижросига юртимизнинг хориждаги элчихоналари ҳам фаол киришган.

Биз ҳам Самарқанд вилоятига келиб, бир нечта жойларда тадбирлар ўтказдик, фикр алмашдик. Учрашувларда кўплаб ишбилармонларимизда Греция, Европа давлатлари билан ҳамкорликда иш олиб боришга қизиқиш катта эканлигини кўрдик. Шунинг учун март ойида Афинада бўладиган “Фуд экспо” кўргазмасига юртимизнинг тадбиркорларини ҳам жалб этиб, Ўзбекистон учун алоҳида стенд ажратмоқчимиз. Бу ярмаркага дунёнинг деярли барча давлатларидан вакиллар ва нуфузли компаниялар қатнашади. Ҳозирда шу йўналишда ишловчи Европа компанияларининг юртимиз ишбилармонлари билан ҳамкорлиги борасида келишувлар олиб боряпмиз.

Тадбирда иштирокчи ва ишлаб чиқарувчилар ўз маҳсулотини Европа давлатларига экспорт қилиш талаблари, янги ускуна келтириш имкониятлари, халқаро кўргазмаларда маҳсулотини тақдим қилиш шартлари, тиббий туризмни ривожлантириш истиқболлари, сайёҳлик ва таълим олиш, кадрлар алмашинуви борасидаги саволларига жавоб олдилар.

 

Ўктам Худойбердиев.


Охирги ўзгариш: 17/01/2018 20:07.   Кўрилганлиги: 165
 
Материал манзили: https://samarkand.uz/press/news/kohna-afina-bilan-hamkorlik-qilamiz

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 13

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг