“Ўзбеккино” миллий агентлиги “Самарқандкино” вилоят ҳудудий бўлими ташаббусига кўра Кексаларни эъзозлаш йили муносабати билан олтмиш ёшдан ошган юртдошларимизга кинотеатрларга киришнинг бепул тизимини жорий қилинди. 

20 февралдан бошлаб мулкчилик шаклидан қатъий назар, Самарқанд вилоятида фаолият юритаётган барча кинотеатрларда кекса кишилар учун бадиий фильмлар бепул намойиш этилади.

Шунингдек, отахону онахонлар йил давомида ҳафтанинг якшанба кунлари барча кинотеатрларда (3Д ўлчамдаги кинотеатрлар бундан мустасно) янги фильмларни бепул томоша қилишлари мумкин.