- Ўзбеклар билан масофамиз олис, аммо кўнглимиз яқин. “Шарқ тароналари” мусиқа фестивали бу яқинликни яна-да мустаҳкамлашга хизмат қилмоқда.

Фестиваль доирасида “Шарқ халқлари анъанавий мусиқа санъатини ривожлантириш истиқболлари” мавзусида халқаро илмий-амалий конференцияда ўз маърузам билан иштирок этдим. Унда товуш ҳамда ҳаракат тушунчалари хусусида сўз юритдим.
Маърузам сўнггида намуна сифатида қўшиқ ҳам куйлаб бердим ва албатта, тадбир иштирокчилари мени таржимонсиз ҳам тушунди, деб ўйлайман. Бу каби қўшиқлар халқларни тили, дини, ирқи, ижтимоий келиб чиқишидан қатъий назар бир-бирига яқинлаштиради, бирлаштиради.