Ўзбекистон Ёзувчилар уюшмаси ва Республика “Ижод” фонди томонидан ўтказиб келинаётган “Истеъдод мактаби” VII минтақавий семинари Самарқанддан бошланди.

Навоий, Бухоро ва Самарқанд вилоятининг 15 нафар ижодкор ёшлари “Менинг биринчи китобим” лойиҳасида бадиий публицистика, назм, наср, адабиётшунослик ва таржима каби йўналишларда иштирок этишди.

Ушбу лойиҳа 2010 йилдан буён амалга ошириб келинмоқда. Лойиҳадан кўзланган асосий мақсад ҳудудларда ёш истеъдод эгаларини аниқлаб, уларни қўллаб-қувватлашдан иборат.

Ўтган давр мобайнида қирқ нафарга яқин ана шундай ёшларнинг илк китоби давлат томонидан йигирма минг нусхадан бепул чоп этилди.