Самарқанд давлат университетида Испаниянинг Гранада университети профессори Монстерат Заморано Торо билан талаба-ёшлар учрашуви бўлиб ўтди.

Қаттиқ жисмларни утилизация қилишга бағишланган тадбирда юртимизда экологик маданиятни шакллантириш, уларни ёшлар онгига сингдириш, табиий ресурслардан оқилона фойдаланиш, уни асраб-авайлаш борасида фикрлар билдирилди.

Шунингдек, атроф-муҳитнинг муҳофаза қилиниши, чиқиндиларнинг сақланиши, ташилиши, утилизация қилиниши ва қайта ишланишида ривожланган мамлакатларнинг илғор тажрибалари билан ўртоқлашилди. Испанияда бу борада қилинаётган ишлар видеолавҳалар орқали намойиш этилди.

Гулмира Келдиёрова.