Самарқанд давлат чет тиллар институтида “Буюк Ипак йўлида умуминсоний ва миллий қадриятлар: тил, таълим ва маданият” мавзуида халқаро илмий-амалий конференция ўтказилди.

Конференция очилишида сўзга чиққанлар Буюк Ипак йўлида жойлашган мамлакатлар қадимдан савдо-сотиқ алоқаларидан ташқари, маданий-маърифий, иқтисодий-сиёсий соҳаларда ҳам ҳамкорлик қилганлигини таъкидладилар. Бу алоқалар бугун ҳам давом этиб, миллатлар дўстлиги ва ҳамжиҳатлигини таъминламоқда.

Анжуманда мамлакатимиздаги хорижий тилларни ўқитишга ихтисослашган олий таълим муассасалари профессор-ўқитувчилари билан бирга, Хитой, Россия, Жанубий Корея ҳамда Қозоғистондан ҳам таниқли олимлар қатнашдилар.