Жорий йилнинг 25 июнь куни Тошкент шаҳрида “Баркамол авлод” болалар марказлари тўгарак аъзолари ўртасида ўтказилган

“Иллатларга қарши биргаликда курашайлик!” мавзусидаги ижодий ишлар танловининг Республика босқичида Жомбой туманидаги 56-умумий ўрта таълим мактабининг 8-синф ўқувчиси, “Баркамол авлод” болалар маркази тўгарак аъзоси Дилдора Раҳматова фаол иштирок этиб, фахрли I даражали диплом билан тақдирланди. 

Шунингдек, тадбир доирасида Россия Федерациясининг Маориф вазирлиги билан ҳамкорликда 2019 йилнинг 1-20 май кунлари “Соғлом овқатланиш – фаол турмуш тарзи” акциясининг “Биргаликда амалга оширамиз” лойиҳаси доирасида халқ таълими тизимидаги умумий ўрта таълим мактабларининг юқори синф ўқувчилари ўртасида ўтказилган “Лидер” кўрик-танлови ғолибларини тақдирлаш маросими ҳам ўтказилди. Мазкур тадбирда Самарқанд шаҳридаги 7-умумий ўрта таълим мактабининг 10-синф ўқувчиси А.Валиева ва ушбу мактабнинг ўқитувчиси З.Ислямовалар иштирок этиб, танлов сертификатини қўлга киритишди.