Ички ишлар вазирлиги ишчи гуруҳи вилоятимизда ўз ишини бошлади

Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Ички ишлар вазирлиги ишчи гуруҳи вилоятимизда ўз ишини бошлади

Халқ билан мулоқот ва инсон манфаатлари йилида кўзда тутилган ва Президентимиз Ш.Мирзиёевнинг бир қатор йиғилишлардаги маърузаларида белгиланган вазифаларнинг ижросини таъминлаш мақсадида ҳар бир соҳа вакиллари чора-тадбирлар режасини ишлаб чиқиб, ҳаётга татбиқ этмоқда.

Ўзбекистон Республикаси Ички ишлар вазирлиги ходимлари ҳам ушбу мақсадда тизимли ишларни амалга оширмоқда. Жумладан, Ички ишлар вазирининг жорий йил 3 январдаги фармойишига асосан Ички ишлар академияси ходимлари ва бошқа ҳамкор ташкилотлар вакилларидан ташкил топган ишчи гуруҳлари Қорақалпоғистон Республикаси, Тошкент шаҳри ҳамда вилоятларда халқ билан мулоқот жараёни, жиноятчилик ва ҳуқуқбузарликларнинг олдини олиш бўйича амалга оширилаётган ишларни ўрганмоқда.

Ушбу ишчи гуруҳ дастлаб Самарқанд туманида ўз ишини бошлади. Туман ҳокимлиги мажлислар залида мазкур жараёнга бағишланган йиғилиш бўлиб ўтди. Унда тумандаги мутасадди идоралар вакиллари билан зарур вазифалар белгилаб олинди.

Тадбирда вилоят ҳокимининг ўринбосари А.Умаров иштирок этди.

Ўз мухбиримиз.

Киритилган вақти: 04/04/2017 17:58. Кўрилганлиги: 539

Материал манзили: https://samarkand.uz/press/news/ichki-ishlarr