Самарқанд вилояти ҳокимлиги w w w . s a m a r k a n d . u z

ҲИСОБОТ КОНФЕРЕНЦИЯСИ

ҲИСОБОТ КОНФЕРЕНЦИЯСИ

Фуқаролик жамияти шаклланишини мониторинг қилиш мустақил институти Самарқанд ҳудудий бўлинмасининг йиллик ҳисобот конференцияси бўлиб ўтди. 

“Самарқанд вилоятида фуқаролик жамияти ривожланишининг миқдор ва сифат ўзгаришлари” мавзуидаги анжуманда вилоят ҳокимлиги, нодавлат нотижорат ташкилотлар, ҳуқуқни муҳофаза қилувчи идоралар ҳамда жамоат ташкилотлари, оммавий ахборот воситалари вакиллари иштирок этди.

Ўзбекистон Республикаси Олий Мажлиси Қонунчилик палатаси депутати А.Пардаев олиб борган йиғилишда сўзга чиққанлар мазкур ташкилот билан ҳамкорликда амалга оширилган ишлар, натижа ва таҳлилларга тўхталиб ўтдилар. Фуқаролик жамияти шаклланишини мониторинг қилиш мустақил институти Самарқанд ҳудудий бўлинмаси раҳбари вазифасини бажарувчи Ф.Раҳматов институт томонидан ўтган йил давомида амалга оширилган ишлар хусусида ҳисобот берди.

Шунингдек, тадбирда тегишли соҳа вакиллари томонидан фуқароларнинг сиёсий ва ҳуқуқий маданиятининг юксалиши, ёшларнинг бу борадаги вазифалари, давлат ҳокимияти ва бошқарув органлари фаолиятининг очиқлигини таъминлашда ОАВнинг роли, вилоятдаги ННТларнинг давлат органлари билан ижтимоий шериклигини мустаҳкамлаш мавзуларида ҳам чиқишлар қилинди.

Тадбир давомида мавзулар юзасидан фуқаролик жамияти шаклланишини мониторинг қилиш мустақил институти Самарқанд ҳудудий бўлинмаси мутахассисларининг маърузалари, ҳамкор ташкилотлар вакилларининг фикрлари тингланди.


Киритилган вақти: 20/04/2015 17:32.   Кўрилганлиги: 521
 
Материал манзили: https://samarkand.uz/press/news/hisobot-konferentsiyasi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 10

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг