Вилоят табиатни муҳофаза қилиш қўмитаси томонидан Ўзбекистон Республикасининг яқинда қабул қилинган янги таҳрирдаги “Ўсимлик дунёсини муҳофаза қилиш ва ундан фойдаланиш тўғрисида”ги ҳамда «Ҳайвонот дунёсини муҳофаза қилиш ва ундан фойдаланиш тўғрисида»ги Қонунлари мазмун-моҳиятини ўрганишга бағишланган  семинар ўтказилди.

Унда вилоят табиатни муҳофаза қилиш қўмитаси масъул ходимлари ва соҳа мутахассислари иштирок этди.

Семинарда табиатни муҳофазалаш, табиий ресурслардан оқилона фойдаланиш, бу борада экологик назорат юритиш, ҳайвонот ва ўсимлик олами давлат кадастрини  юритиш тартиб-тамойиллари, биотехнология тадбирларини амалга ошириш, жамоатчилик экологик назорати юритишнинг ҳуқуқий механизмларига оид маърузалар тингланди.  

А.МУСТАФОҚУЛОВ