Самарқанд шаҳридаги 10-меҳрибонлик уйида ҳарбий хизматчилар билан учрашув бўлиб ўтди. 

– Айни кунларда юртимизда Ўзбекистон Республикаси Қуролли Кучларининг 25 йиллиги муносабати билан 20 декабрдан 20 январгача «Ватанпарвар» ойлиги ўтказилмоқда, – дейди майор Ф.Бобоев. – Ойлик доирасида таълим муассасалари ва меҳрибонлик уйларида турли учрашувлар, давра суҳбатлари ташкил этилмоқда. Бугун биз ташриф буюрган меҳрибонлик уйи тарбияланувчилари суҳбатларидан уларнинг Ватан ҳимоячиси, ҳарбий бўлишга қизиқишлари жуда кучлилигини билиб олиш мумкин.

Учрашувда Самарқанд гарнизони офицерлар уйи ҳарбий оркестр бадиий жамоаси томонидан «Ватан омон бўлсин, Ватан бор бўлсин» номли концерт дастури намойиш этилди.