Аввал хабар берганимиздек, Самарқанд шаҳрида Матбуот ва оммавий ахборот воситалари ходимлари куни кенг нишонланди.

Шу муносабат билан ўтказилган тантанада вилоят ҳокими Э.Турдимов тадбир иштирокчилари, уларнинг тимсолида барча оммавий ахборот воситалари ходимларини байрам билан қутлади. Бир гуруҳ соҳа вакиллари вилоят ҳокимининг фахрий ёрлиғи билан тақдирланди.

Шунингдек, вилоятнинг энг фаол журналистлари аниқланди. Жумладан, "Зарафшон" газетаси махсус мухбири Гулруҳ Мўминова вилоятнинг энг фаол журналисти деб эътироф этилди. "Зарафшон" ва "Самарканский вестник" газеталари бирлашган таҳририяти ходимлари - Анастасия Павленко, Замира Болтаева, Ўктам Худойбердиев ҳамда Гулнора Холдоровалар вилоят ҳокимининг фахрий ёрлиғи ва қимматбаҳо совғалари билан тақдирланди.