Франциянинг Ўзбекистондаги мухтор элчиси Виолен де Вилмор хоним Самарқандга ташриф буюрди. Ташриф дастури доирасида Самарқанд давлат университетида бўлди.

Фахрий меҳмон университетда ташкил қилинган “Шарқ қўлёзмалари китобхонлик кўргазмаси”да қатнашди ҳамда тарих факультетининг археология музейига ҳам ташриф буюрди. Шунингдек, университет қошида ташкил қилинаётган “Халқаро таълим дастурлари” маркази биносида бўлиб, Франция таълим марказини ташкил этиш борасида ўз фикрлари билан ўртоқлашди.

Виолен де Вилмор хоним Самарқанд шаҳридаги тарихий-маданий объектлар ва бошқа диққатга сазовор масканлар билан ҳам танишишди.