Самарқанд вилояти ҳокимлиги w w w . s a m a r k a n d . u z

ФҲДЁ янги бинода

ФҲДЁ янги бинода

Ўзбекистон Республикаси Конституцияси қабул қилинганининг 23 йиллиги олдидан Самарқанд шаҳридаги 3-фуқаролик ҳолати далолатномаларини ёзиш бўлими ва 7-давлат нотариал идорасининг янги биноси фойдаланишга топширилди.

Президентимиз раҳнамолигида аҳолига юқори сифатли юридик хизмат кўрсатилишини таъминлаш, жамиятда оила институтининг ўрни ва ролини янада мустаҳкамлаш борасида кенг кўламли ислоҳотлар амалга оширилмоқда. Ушбу жараёнда жойлардаги фуқаролик ҳолати далолатномаларини ёзиш бўлимлари ҳамда давлат нотариал идоралари фаолиятини янада такомиллаштириш, уларнинг моддий-техник базасини мустаҳкамлашга алоҳида эътибор қаратилмоқда.


– Ўзбекистон Республикаси Адлия вазирлиги тизимига кирувчи ФҲДЁ ва давлат нотариал идоралари моддий-техник базасини мустаҳкамлаш бўйича 2015 йилга мўлжалланган дастур асосида шу пайтга қадар беш туманда фуқаролик ҳолати далолатномаларини ёзиш бўлими ва нотариал идоралар учун янги бинолар қурилиб, фойдаланишга топширилди, – дейди вилоят адлия бошқармаси бошлиғи ўринбосари Отабек Тошниёзов. – Мазкур дастур асосида Самарқанд шаҳридаги 3-ФҲДЁ ва 7-давлат нотариал идораси учун замонавий бино бунёд этилди.


Умуман, бу йил вилоятимиз бўйича 11 муассасада реконструкция ва таъмирлаш ишлари амалга оширилиб, ишчи-ходимлар ва аҳоли учун зарур шароитлар яратилди.

Янги бинонинг очилиш маросимида бу ерда яратилган шароит ва қулайликлар фуқароларга тезкор ва сифатли юридик хизмат кўрсатиш имконини бериши таъкидланди.

Ғ.Ҳасанов


Охирги ўзгариш: 24/11/2015 19:09.   Кўрилганлиги: 943
 
Материал манзили: https://samarkand.uz/press/news/fhdyo-yangi-binoda

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 2

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг