Самарқанд вилояти ҳокимлиги w w w . s a m a r k a n d . u z

ФЕРМЕРЛАР ТАЖРИБА АЛМАШДИ

ФЕРМЕРЛАР ТАЖРИБА АЛМАШДИ

Самарқанд туманидаги “Аъзам-Азамат агро” кўп тармоқли фермер хўжалигида “Ўзбекистон фермерлари – дунё эътирофида” мавзусида амалий семинар ўтказилди.

Президентимизнинг 2016 йил 12 апрелдаги “Мева-сабзавот, картошка ва полиз маҳсулотларини харид қилиш ва улардан фойдаланиш тизимини такомиллаштириш чора-тадбирлари тўғрисида”ги Қарори ижросини таъминлаш мақсадида Тадбиркорлар ва ишбилармонлар ҳаракати – Ўзбекистон Либерал–демократик партияси ва Ўзбекистон Фермерлари кенгаши ҳамкорлигида ташкил этилган тадбирда Самарқанд ва Жиззах вилоятларидаги фермер хўжаликлари раҳбарлари, “Ўзбекозиқ-овқатхолдинг” компанияси, солиқ, божхона, қишлоқ ва сув хўжалиги идоралари ҳамда кичик бизнес ва хусусий тадбиркорлик субъектлари экспортини қўллаб-қувватлаш жамғармаси вакиллари, соҳа эксперт-мутахассислари қатнашди.

Ўзбекистон Республикаси Олий Мажлиси Қонунчилик палатаси депутати Р.Қобилов, вилоят ҳокими ўринбосари А.Нурқулов ва бошқалар қарорда белгиланган вазифаларнинг ҳаётга татбиқ этилиши мамлакатимиз қишлоқ хўжалигида амалга оширилаётган изчил ислоҳотлар кўлами ва самарадорлигини, деҳқон ва фермерларнинг манфаатдорлигини ошириш, соҳада замонавий инновацион технологияларни кенг қўллаш имкониятларини яратишини таъкидлади.


Тадбирда соҳа мутахассислари томонидан фермер хўжаликлари раҳбарларига мева-сабзавот етиштиришда илғор усул ва технологияларни қўллаш, қир-адирлардаги боғларни томчилатиб суғоришни йўлга қўйиш, мавжуд боғ ва токзорлар қатор ораларига картошка, сабзовот ва полиз экинлари экиш, иссиқхоналар ташкил этиш, аҳоли томорқасидан унумли фойдаланиш, етиштирган маҳсулотини экспорт қилиш бўйича тавсиялар берилди.


Киритилган вақти: 02/06/2016 16:22.   Кўрилганлиги: 530
 
Материал манзили: https://samarkand.uz/press/news/fermerlar-tajriba-almashdi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 2

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг