Янги боғларда 572 киши учун иш ўрни яратилди.

Ернинг ҳар қаричидан оқилона фойдаланиш, сув ресурсларини тежамкорлик билан ишлатиш, аҳолининг мева маҳсулотларига бўлган талабини қондириш, етиштирилган ҳосилни қайта ишлаш, экспорт ҳажмини ошириш мақсадида Самарқанд вилоятининг 6 та туманида 618,5 гектар майдонда 16 та лойиҳа доирасида интенсив боғлар ташкил этилди.

Боғ юмушларига 572 киши жалб этилди. Лойиҳаларни амалга ошириш учун 24 миллиард 880 миллион сўм сарфланди.

Ушбу лойиҳага кўра, Иштихон туманида 10 гектар майдонда 7 та хўжалик ташкил этилди. Боғ яратиш юмушларига 250 миллион сўм маблағ йўналтирилиб, 40 нафар ишчи-хизматчи иш билан таъминланди.