Тегишли ҳуқуқ пайдо бўлгандан кейин 1 ой мобайнида рўйхатдан ўтиш учун мурожаат қилмаслик фуқароларга энг кам иш ҳақининг 202730,00 сўмдан 608190,00 сўмгача,  мансабдор шахсларга эса - 608190,00 сўмдан 1013650,00 сўмгача миқдорда жарима солишга сабаб бўлади.

Ерга бўлган қуйидаги ҳуқуқлар давлат рўйхатидан ўтказилиши лозим:

- якка тартибда уй-жой қуриш ва уй-жойни ободонлаштириш, деҳқон хўжалиги, жамоа боғдорчилиги ва узумчилик жўжалигини юритиш учун, шунингдек, бошқа ҳолларда берилган ер участкасига мерос қилиб қолдириладиган умрбод эгалик қилиш ҳуқуқи;

- қишлоқ ва ўрмон хўжалигини юритиш ва бошқа мақсадлар учун берилган ер участкаларига доимий эгалик қилиш ҳуқуқи;

- қишлоқ хўжалиги билан боғлиқ бўлмаган эҳтиёжлар учун фойдаланиш муддатлари кўрсатилмай берилган ер участкасидан доимий фойдаланиш ҳуқуқи;

- қишлоқ хўжалиги билан боғлиқ бўлмаган эҳтиёжлар учун фойдаланишнинг муайян муддати белгилаб берилган ер участкаларидан муддатли (вақтинча) фойдаланиш ҳуқуқи;

- хусусийлаштирилган ёки сотиб олинган ер участкаларига бўлган мулк ҳуқуқи;

- ер участкаларини ижарага олиш ҳуқуқи.

Ерга бўлган ҳуқуқни давлат рўйхатидан ўтказиш учун Давлат хизматлари марказларига ёки Интерактив давлат хизматлари ягона портали (https://my.gov.uz/uz) орқали кадастр органларига мурожаат қилиш лозим.

Давлат хизматлари марказлари манзиллари ҳақидаги маълумотни http://advice.uz/#/category/72/139 веб-ҳаволадан билишингиз мумкин.

Интерактив давлат хизматлари ягона портали орқали кадастр органларига мурожаат қилиш учун эса https://my.gov.uz/uz веб-ҳаволага мурожаат қилиш зарур.

Ерга бўлган ҳуқуқни давлат рўйхатидан ўтказиш ҳақидаги батафсил маълумотни https://ygk.uz/uz/node/161 веб-ҳаволага мурожаат орқали билиб олишингиз мумкин.

Ерга бўлган ҳуқуқ давлат рўйхатидан ўтказиш ариза берилган пайтдан бошлаб икки кунда бепул амалга оширилади.