Самарқанд вилояти ҳокимлиги w w w . s a m a r k a n d . u z

ЭНГ ЯХШИ СОВҒА - КИТОБ

ЭНГ ЯХШИ СОВҒА - КИТОБ

14 февраль – “Халқаро китоб совға қилиш куни” муносабати билан “Самарқанд китоб олами” маънавий-маърифий мажмуасида шу номдаги акция ташкил этилди.

Тадбирда иштирокчилар мажмуада яратилган имкониятлар, дарслик ва бадиий адабиётлар, маълумотлар базаси, электрон ресурслар ҳақида маълумотга эга бўлди.

Арзонлаштирилган ўн мингдан ортиқ бадиий ҳамда маърифий асарлар қўйилган расталар одамлар билан гавжум бўлди. Унда вилоятимиз ва Самарқанд шаҳридаги бир қатор корхона-ташкилот, таълим муассасаларининг раҳбар ва ходимлари китоб дўконидан бадиий адабиётлар харид қилиб, кам таъминланган оилалар фарзандларига, ўқувчилар ҳамда Меҳрибонлик уйи тарбияланувчиларига улашишди.

Китоб совға қилишни хоҳлаган фуқаролар кам таъминланган оилалар, мактаблар ва Меҳрибонлик уйида ҳам бўлишди. Хусусан, Самарқанд давлат университети талабаси Азиза Самарова стипендиясидан 100 минг сўм орттириб, Самарқанд шаҳридаги 1 ва 10-сон Меҳрибонлик уйида тарбияланаётган 32 нафар болага китоблар совға қилди.

Шу куни мажмуада сана муносабати билан ўқувчи-ёшлар учун қизиқарли викторина ҳам ташкил этилди. Болалар адабиёт оламига саёҳат қилди. Ўқувчиларнинг китоб ҳақидаги шеър ва бадиий чиқишлари тадбирга янада файз киритди.


Охирги ўзгариш: 19/02/2018 12:55.   Кўрилганлиги: 476
 
Материал манзили: https://samarkand.uz/press/news/eng-yaxshi-sovga-kitob

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 13

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг