Самарқанд шаҳридаги 4-сон болалар мусиқа ва санъат мактаби ўқувчиси Далер Шавкатов Испаниянинг Коста-Браво шаҳрида хореография ва вокал йўналишлари бўйичаўтказилган «Dancing Catalonia» халқаро танловидабиринчи ўринни эгаллади.

Дунёнинг 11 давлатидан 200 нафардан ортиқ ижрочилар қатнашган танловда Далер хореография йўналиши бўйича маҳоратини намойиш этиб, жаҳоннинг таниқли санъатшунос ва мусиқашунослари олқишига сазовор бўлди.

Ёш истеъдод соҳиби танловнинг 13-15 ёшли совриндорлари иштирокида ўтказилган гала-концертда ҳам иштирок этди. Италиялик таниқли хореограф Роберто Лори томонидан ташкил этилган маҳорат дарсларидан баҳраманд бўлди.