Ҳаж зиёратига отланган яна 222 нафар юртдошларимиз Самарқанд халқаро аэропортидан Саудия Арабистонининг Мадина шаҳрига жўнаб кетди.

Бўлажак ҳожиларга барча шароитлар яратилиб, улар ҳурмат-эҳтиром билан кузатиб қўйилди.

– Шундай дориламон кунларга етказганига шукр, – дейди тойлоқлик Турсунтош Ҳотамова. – 3 нафар ўғил ва уч нафар қизни тарбиялаб, уйли-жойли қилдим, йигирма саккиз нафар набиранинг бувиси бўлдим. Бугун Ҳаж зиёратига бориб, руҳан покланиш насиб қилган экан, бундан жуда хурсандман.

Тадбирда вилоят ҳокимининг ўринбосари Ш.Қулматов иштирок этди.

А.Пўлатов.