Қўшработ туманининг Қўролос ва Солпи маҳаллаларида 18 та намунавий лойиҳалар асосида қурилаётган уйлар яқинда ўз эгаларига топширилади. 

Шунингдек, Мустақиллик байрамига қадар Шовона маҳалласидаги қишлоқ врачлик пункти, Жўш ва Оқтепа деҳқон бозорлари таъмири ниҳоясига етказилса, Қўролос ва Хонназар маҳаллаларида иккита сув иншооти қуриб битказилади.

Шунингдек, бу йил тўққизта мактаб капитал реконструкция қилиниб, иккита мактаб қайта қурилмоқда. Бешта мактабда эса спорт заллари ишга тушиш арафасида.

Қувонарлиси, бунёдкорлик кайфияти аҳолига ҳам кўчган. Айни дамда ўнлаб тадбиркорлар томонидан умумий овқатланиш, савдо, ёқилғи қуйиш шохобчалари қурилиши давом этмоқда.

Турғун Ҳасанов