Самарқанд вилояти ҳокимлиги w w w . s a m a r k a n d . u z

Бугундан Самарқанддаги тўртта кўчада назорат камералари ишлай бошлади

Бугундан Самарқанддаги тўртта кўчада назорат камералари ишлай бошлади

Бугундан бошлаб Самарқанд шаҳридаги тўртта чорраҳада йул ҳаракати қоидабузарликларини автоматлаштирилган сурат ва видеоназорат қилувчи қурилма ишга тушди.

Янги технологиялар автомобиль кўп ҳаракатланадиган кўчаларда туну-кун “навбатчилик“ қилади. Камералар онлайн тизимда, светофор чироқларига амал қилмаслик, рулда телефон орқали суҳбатлашиш каби қоидабузарликларни қайд этиб боради. Йил сўнгига қадар ушбу қурилмалар Самарқанд шаҳридаги барча кўчаларда ўрнатилиши белгиланган.

Эслатиб утамиз, бунга қадар вилоят трассаларида тўртта “Арена“ русумли қурилмалар ўрнатилган бўлиб, улар автомашиналарнинг тезлигини назорат қиларди. Ушбу тизим орқали 40 мингга яқин қоидабузарлик аниқланган.

Вилоят ички ишлар бошқармаси матбуот хизмати хабарига кўра, 2018 йилда Самарқанд йўлларида 310 минг қоидабузарлик аниқланган. 13 минг нафар пиёдаларга йўл ҳаракати қоидаларини бузганлик учун маъмурий чоралар қўлланилган.

Назорат қурилмалар қуйидаги кўчаларда ўрнатилган: Регистон майдони рўпарасидаги пиёдалар ўтиш жойи, Мирзо Улуғбек ва Бўстонсарой кўчаси кесишмаси, Мирзо Улуғбек - Шоҳрух, Мир Саид Барака - Мирзо Улуғбек кўчалари кесишмаларида.

Ринат Абдульманов.


Охирги ўзгариш: 16/01/2019 09:05.   Кўрилганлиги: 754
 
Материал манзили: https://samarkand.uz/press/news/bugundan-samarqanddagi-tortta-kochada-nazorat-kameralari-ishlay-boshladi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 11

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.