Бюджетдан ташқари пенсия жамғармаси вилоят бошқармаси бошлиғи З.Жўраев Самарқанд шаҳридаги Ҳунармандлар ва Боғисарой, Пастдарғом туманидаги Мевали ва Пахтакор маҳаллаларида пенсия таъминоти масалалари юзасидан сайёр қабул ўтказди.

Унда иштирок этган маҳалла фуқаролар йиғинлари раислари, пенсия ва нафақа олувчилар ҳамда фуқаролар пенсия ва нафақа тайинлашдаги ўзгаришлар, бу борада учраётган муаммолар ва ўйлантираётган масалалари юзасидан бошқарма бошлиғига мурожаат қилди.

– Қирқ йилдан зиёд колхозда оддий ишчи бўлиб ишладим, – дейди Пахтакор маҳалласида яшовчи пенсионер Гулчеҳра Қўчқорова. – Меҳнат стажим кўп, аммо пенсиям кам. Шунинг учун ҳужжатларни қайта ўрганиб чиқишса.

Шу каби олтмишдан ортиқ масалалар шу ернинг ўзида ечим топди.

ҲОКИМЛИК АХБОРОТ ХИЗМАТИ