Самарқанд тумани Янгиариқ маҳалласида 23-мактабгача таълим муассасаси қайта реконструкция қилиниб, фойдаланишга топширилди.

- Бино қирқ йил аввал қурилган бўлиб, анча таъмирталаб ҳолга келиб қолган эди, - дейди туман мактабгача таълим бўлими мудираси  Д.Азизова. – Маҳаллий бюджет ва ҳомийлар кўмагида боғчамиз замонавий кўринишга келди. Мана, энди 4 та гуруҳда 100 нафар болажонлар қалблари қувончга тўлиб, таълим олмоқда. Хоналарни Корея тажрибасини қўллаган ҳолда жиҳозладик.

Ётоқхона ва машғулот хонаси битта бўлиб, ётоқ жиҳозлари устма-уст ҳолда хонанинг бир чеккасига тахлаб қўйилади. Боланинг ихтиёрий машғулотлар олиб бориши учун илғор технологиялар асосидагиўйин бурчаклари ташкил этилди.

Маълумот ўрнида: Самарқанд туманида жорий йилда 3 та мактабгача таълим муассасаси янги қиёфада фойдаланишга топширилди. Йил якунигача яна 5 та боғча очилиши ҳамда туманда болалар қамрови 600 нафарга ошиши режалаштирилган.

Насиба Жонтўраева.