БИТИРУВЧИЛАР ЎЗЛАРИГА ИШ ТАНЛАШДИ

Самарқанд давлат университетида битирувчилар учун “Карьера кунлари-2015” тадбири ўтказилди. 

Унда вилоят меҳнат ва аҳолини ижтимоий муҳофаза қилиш, халқ таълими, ўрта махсус, касб-ҳунар таълими бошқармалари, марказий банк вилоят бош бошқармаси вакиллари иштирок этди.

Ташриф буюрганларга университетдаги мутахассисликлар, битирувчилар, уларни иш билан таъминлаш механизми ҳақида маълумотлар берилди.

Таъкидландики, жорий ўқув йилида 1866 нафар талаба 31 бакалавриат йўналиши бўйича, 226 нафар ёшлар 35 магистратура йўналиши бўйича диплом олиши кутилмоқда.

Эътиборли жиҳати, вилоят ташкилотларининг университет битирувчиларига бўлган эҳтиёжи 2018 нафарни ташкил этади. Университет битирувчиларига қўшни вилоятларнинг эҳтиёжи ҳам 500 дан ошиб кетган.

Тадбир доирасида кўргазма ташкил этилиб, саксонга яқин корхона ва ташкилотлар мингдан зиёд иш ўринларини таклиф этишди.

Шунингдек, тижорат банклари мутахассислари тадбиркорлик фаолиятини бошламоқчи бўлган талабаларни қизиқтирган саволларга жавоб беришди, кредит хизматлари таклиф этилди.

Тадбир давомида 200 га яқин битирувчилар, университет ҳамда корхона ва ташкилотлар ўртасида шартномалар имзоланди.


Киритилган вақти: 28/02/2015 10:56.   Кўрилганлиги: 534

 

Сўровнома


Сайтга баҳо беринг

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 11

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг