Самарқанд вилояти ҳокимлиги w w w . s a m a r k a n d . u z

Бир ҳафтадан сўнг ипотека кредити асосида бириктирилган уй-жойлар нархи кескин ошади

Бир ҳафтадан сўнг ипотека кредити асосида бириктирилган уй-жойлар нархи кескин ошади

Ўзбекистон Республикаси Президентининг 2019 йил 28 ноябрдаги «Ипотека кредити механизмларини такомиллаштиришга оид қўшимча чора-тадбирлар тўғрисида»ги

ПФ-5886-сонли фармонида «Ўзшаҳар қурилиш инвест» ИК га 2017-2019 йиллар дастурларида қурилган уй-жойларни реализация қилишда 2020 йил 1 июлга қадар қўшилган қиймат солиғидан озод қилиш белгиланган эди.

Мана ушбу санага ҳам саноқли кунлар қолди.

Уй-жойлар ва хонадонлар токи фуқаролар номига нотариал тартибда расмийлаштирилгунга қадар «Ўзшаҳар қурилиш инвест» ИКнинг мулки ҳисобланади.

Бугунги кунга келиб, ҳудудий комиссиялар томонидан уй-жойларга бириктирилган фуқароларнинг кўпчилиги юқоридаги имтиёздан фойдаланган ҳолда уй-жойларни ўз номларига расмийлаштириб олишди.

Аммо турли сабабларга кўра уй-жойларни ўз номларига расмийлаштиришга улгурмаган фуқаролар ўзларига бириктирилган хонадонларни 2020 йил 1 июлга қадар ўз номига нотариал тартибда расмийлаштириб, ипотека кредити ёки тўлиқ ўз ёнидан тўлаш орқали хонадон қиймати «Ўзшаҳар қурилиш инвест» ИКга тўлаб берилмаса, уй-жойлар нархига 15 фоиз қўшилган қиймат солиғи қўшилади.

Масалан, 1 м2 ўртача 3 980 000 сўмлик уй-жойларда нарх қўшилган қиймат солиғи билан 4 577 000 сўмни (ҚҚС 597 000 сўм) ташкил қилади.

Юқоридагилардан келиб чиқиб уй-жойларга бириктирилган фуқаролардан уй-жойлар нархлари ҚҚС қўшилиши ҳисобига кескин ошиб кетишининг олдини олиш учун жорий йилнинг июль ойи 1 санасига қадар хонадонларни ўз номларига нотариал тартибда расмийлаштиришлари сўралади.

P.S. Ушбу талаб уй-жойларни ўз номларига нотариал тартибда расмийлаштириб, ипотека кредитлари ажратилган фуқароларга тааллуқли эмас.

Манба: https://xabar.uz/uyjz


Киритилган вақти: 25/06/2020 10:12.   Кўрилганлиги: 86
 
Материал манзили: https://samarkand.uz/press/news/bir-haftadan-song-ipoteka-krediti-asosida-biriktirilgan-uy-joylar-narxi-keskin-oshadi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 7

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.