Вилоят мудофаа ишлари бошқармаси йиғув пунктида жорий йилги чақирув мавсумида муддатли ҳарбий хизматга қабул қилинган йигитларнинг навбатдаги гуруҳини кузатиш тадбири бўлиб ўтди. Тадбирда вилоят ҳарбий-маъмурий сектори раҳбари, вилоят ҳокимлиги ва ҳарбий қисм ҳамда жамоатчилик вакиллари иштирок этишди.

Фарзандини ҳарбий хизматга кузатаётган ота-оналар сўзга чиқиб, Қуролли Кучларимиздаги ўзгаришлар, ҳарбий хизматчиларнинг давлат ва жамият ҳаётидаги ўрни, обрў-эътибори юксалиб бораётганини таъкидлашди.

Тадбирда давлат ва жамоат ташкилотлари вакиллари, чақирилувчиларнинг ота-оналари, эгнига аскарлик либосини кийган бахтли йигитлар ҳам сўзга чиқиб, ўз дил изҳорларини баён этди.

Тадбирда ҳарбий хизматга отланган йигитларга эсдалик совғалари, китоблар совға қилинди.