Самарқанд шаҳридаги 9-умумтаълим мактабида “Билимлар беллашуви”нинг вилоят босқичи ўтказилди. 

Унда мазкур танловнинг туман, шаҳар босқичида ғолибликни қўлга киритган умумтаълим мактабларининг 655 нафар 5-8 синф ўқувчилари ёзма иш ва тест синовлари орқали ўз билимларини синовдан ўтказдилар.

– Шогирдим Лазизбек Ҳимматов математика фанидан энг юқори натижага эришиб, биринчи ўринни эгаллади, – дейди Оқдарё туманидаги 52-ихтисослаштирилган давлат умумтаълим мактаби ўқитувчиси Ҳафиза Элмуродова. – У тиришқоқлиги, ўткир зеҳни билан тенгдошларидан ажралиб туради.

Тенгдошлари орасида ғолибликни эгаллаган ўқувчилар Билимлар беллашувининг республика босқичида иштирок этиш ҳуқуқини қўлга киритди.

Дилором Абдураҳмонова