Самарқанд вилояти ҳокимлиги w w w . s a m a r k a n d . u z

БЕЛАРУСГА ҚУРИТИЛГАН МЕВА-САБЗАВОТЛАР ЭКСПОРТ ҚИЛИНАДИ

БЕЛАРУСГА ҚУРИТИЛГАН МЕВА-САБЗАВОТЛАР ЭКСПОРТ ҚИЛИНАДИ

Вилоят ҳокими ўринбосари Б.Нуруллаев бошчилигидаги самарқандлик бир гуруҳ тадбиркор ва ишбилармонлар Беларусь Республикасида бўлиб қайтди.

Делегация аъзолари Белорусь-Ўзбекистон бизнес форуми доирасидаги учрашувлар, ишлаб чиқарилаётган маҳсулотлар кўргазмаларида иштирок этди.

Могилёв шаҳридаги метални, чиқиндини қайта ишлаш заводлари фаолияти билан танишдилар. Ишбилармон доиралар вакиллари икки томонлама савдо-иқтисодий, инвестициявий ва экспорт салоҳиятларини тақдим этдилар.

Ўзбекистон Республикаси Ташқи ишлар вазирлиги, элчихоналар мутасаддилари ҳамда Могилёв области раиси ўринбосари В.Некрашевич билан икки вилоят ўртасидаги алоқаларни ҳар томонлама мустаҳкамлаш борасида музокаралар ўтказилди. Вакилларимиз Могилёв туманидаги интенсив боғ ва мева-сабзавот, паррандачилик маҳсулотлари ишлаб чиқарувчи, форель балиғини етиштиришга ихтисослашган корхоналар, эркин иқтисодий зона, Бобруйск шаҳридаги ёғочни қайта ишлаш ва мебель, автомобиллар ва махсус техникалар учун шиналар, трактор ва трактор эҳтиёт қисмлари ҳамда лифт ишлаб чиқарувчи заводлар фаолияти билан танишди.

Учрашув ва музокаралар натижасида 6 та ишлаб чиқариш корхонаси томонидан 10,3 миллион доллар миқдорида қурутилган қишлоқ хўжалик маҳсулотларини экспорт қилиш бўйича шартномалар имзоланди. Могилёв областидаги “Лохва” фермер хўжалиги билан Булунғур туманидаги “Бобоёр Қаюм” хусусий фирмаси, “Булунғур Фенекс сервис” МЧЖ ўртасида балиқ етиштиришни йўлга қўйиш бўйича келишувга эришилди.

ҲОКИМЛИК АХБОРОТ ХИЗМАТИ


Охирги ўзгариш: 05/09/2018 15:10.   Кўрилганлиги: 223
 
Материал манзили: https://samarkand.uz/press/news/belarusga-quritilgan-meva-sabzavotlar-eksport-qilinadi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 14

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг