“БАРКАМОЛ АВЛОД - 2017” СПОРТ МУСОБАҚАЛАРИДА САМАРҚАНД ЖАМОАСИ УЧИНЧИ

28 май куни “Баркамол авлод – 2017” спорт мусобақаларида иштирок этиб, ғолибликни қўлга киритган Самарқанд жамоаси шаҳримиздаги темир йўл вокзалида кутиб олинди.



Тадбирда ҳокимият вакиллари, масъул ташкилот ходимлари, маҳаллий аҳоли, ота-оналар ҳамда академик лицей ва касб-ҳунар коллежларининг ўқитувчи ва ўқувчилари иштирок этди.

Жиззах вилоятида ўтказилган мазкур мусобақада вилоятимиз ёшлари спортнинг 15 та тури бўйича беллашиб, умумжамоа ҳисобида 180 балл билан учинчи ўринни эгаллашди. Спортчиларнинг 6 нафари олтин, 9 нафари кумуш, 16 нафари эса бронза медаллари билан қайтишди.

— Бокс бўйича куч синашиб, олтин медаль олдим, — дейди Каттақўрғон педагогика коллежи ўқувчиси Олимжон Тошниёзов. — Бу мусобақада ғолиб бўлиб, ота-онам ва устозларим ишончига эришдим. Энди эса машғулотларни янада мустаҳкамлаб, олға интиламан ва жаҳон ареналари бўйлаб юртимиз байроғини баланд тутишга астойдил ҳаракат қиламан.


13 та жамоа билан беллашиб, ўз кучини кўрсатган спортчи-ёшлар Ўзбекистон Республикаси Президенти совғаси – “Дамас” автомобили ҳамда кўчма кубок, диплом ва сертификат билан тақдирланди.

Тадбир давомида санъаткорлар концерт дастурлари билан спортчиларни шод этишди.

Тадбирда вилоят ҳокими Ҳ. Оқбўтаев сўзга чиқди.

АХБОРОТ ХИЗМАТИ



Охирги ўзгариш: 29/05/2017 14:29.   Кўрилганлиги: 610

 

Сўровнома


Сайтга баҳо беринг

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 10

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг