18 октябрь - Самарқанд шаҳри куни жамоатчилик томонидан муносиб нишонланди. 

Дастлаб  Амир Темур мақбарасида Қуръон тиловат қилинди. Сўнгра фахрий қоровул саф тортиб, Соҳибқирон ҳайкали пойига гуллар қўйилди.

Шундан кейин тадбирлар маҳаллалар, таълим муассасалари, корхона ва ташкилотларда давом этди.Хусусан, шаҳардаги барча меҳрибонлик уйлари, “Саховат” уйида байрам дастурхони ташкил этилиб, турли маданий тадбирлар ўтказилди.

Ижтимоий ҳимояга муҳтож ва кам таъминланган оилалар учун ҳам байрам дастурхони ва концерт дастурлари уюштирилди. Умумтаълим мактаблари ўқувчилари ўртасида ўтказилган “Азиз шаҳрим – Самарқандим” мавзусидаги энг яхши иншо кўрик-танлови ғолиблари рағбатлантирилди.

Ўзбекистон Ёзувчилар уюшмаси вилоят бўлимида ёш ижодкорлар томонидан кўҳна шаҳарга бағишлаб мушоира ўтказилди.

Анвар Мустафоқулов