Туркманистон пойтахтида давом этаётган Жанг санъати ва ёпиқ иншоотлардаги V Осиё ўйинларининг олтинчи куни Ўзбекистон делегацияси учун ҳар жиҳатдан баракали бўлди.

Бунга қадар спортчиларимиз медаллар жамғариш масаласида умумжамоа ҳисобида саккизинчи ўринда жойлашган эди. Кеча вакилларимиз 4 та олтин, 7 та кумуш ва 7 та бронза медалларини қўлга киритди.

Ўозиргача белбоғли кураш бўйича Тойлоқ олимпия захиралари спорт коллежи вакили Гулмира Исматова кумуш ва бронза медалларини қўлга киритган бўлса, шахмат баҳсларида халқаро гроссмейстер Жаҳонгир Воҳидов рақибларини енгиб, шоҳсупа сари яқинлашмоқда.

Айни пайтда Ўзбекистон терма жамоаси ҳисобида 10 та олтин, 17 та кумуш ва 42 та бронза, жами 69 та медаль бор. Вакилларимиз мезбонлар ва Эрон ҳамда таиландлик спортчилардан сўнг тўртинчи ўринни эгаллаб турибди.