“Армия ва ёшлар” ЁШЛАРНИНГ ҲАҚИҚИЙ ФЕСТИВАЛИ БЎЛДИ

Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Чоп этиш

“Армия ва ёшлар” ЁШЛАРНИНГ ҲАҚИҚИЙ ФЕСТИВАЛИ БЎЛДИ

Ўзбекистон Республикаси Қуролли Кучлари ташкил этилганлигининг 26 йиллиги ва Ватан ҳимоячилари куни байрами муносабати билан вилоят ҳокимлиги, Марказий ҳарбий округ қўмондонлиги ва Ўзбекистон ёшлар иттифоқи вилоят кенгаши ҳамкорлигида Самарқанд шаҳрида “Армия ва ёшлар” фестивали ўтказилди.

Фестиваль ҳарбий техника воситалари, мудофаага кўмаклашувчи “Ватанпарвар” ташкилотининг спорт транспорт воситалари ва ҳарбий хизматчиларнинг Регистон майдонидан Регистон кўчаси бўйлаб Кўксарой майдонигача сафда юришининг намойиши билан бошланди.

Шундан сўнг тадбирнинг расмий очилиш тадбири ўтказилди. Унда вилоят ҳокими Т.Жўраев, Марказий ҳарбий округ қўмондони А.Саидов, Ўзбекистон ёшлар иттифоқи вилоят кенгаши раиси Р.Қобиловлар сўзга чиқишди.

Ҳарбий карабинчилар гуруҳлари ва ҳарбий қисм хизматчиларининг қўл жанги кўргазмали чиқишлари намойиши фестивал иштирокчиларини ром этди.

Фестиваль доирасида 7 ёшдан 70 ёшгача бўлган иштирокчилар ўртасида спорт марафони ўтказилди. Марафонда 5 мингдан зиёд самарқандликлар қатнашди. Ғолиб ва фаол иштирокчилар қимматбаҳо совғалар билан тақдирланди.

Шунингдек, фестивал қатнашчилари Кўксарой майдонида ташкил этилган ҳарбий-техника воситалари, қурол-аслаҳа кўргазмаси, ҳарбий дала ошхонаси ва тиббиёт пунктининг фаолияти билан танишдилар.

Тадбир доирасида вилоят драма ва мусиқа театри ҳовлисида маданий дастур ташкил қилиниб, унда эл севган санъаткорлар Ватан ва юртни мадҳ этувчи, ҳарбийларни олқишловчи куй ва қўшиқлар ижро этилди.

Фестивал тадбирларида кун давомида 40 мингдан кўпроқ самарқандликлар қатнашди.

Вилоят ҳокимлиги ахборот хизмати.

Спорт марафони ғолиблари

7-14 ёшлилар (ўғил болалар)

Исми ва фамилияси	Туғилган йили	Ўқиш жойи	Ўрни
Ботиров Азизбек	2005 йил	33-мактаб ўқувчиси	1-ўрин
Набиев Джасур	2005 йил	26-мактаб ўқувчиси	2-ўрин
Абдумўминов Бекжон	2003 йил	1-мактаб ўқувчиси	3-ўрин

7-14 ёшлилар (қизлар)

Исми ва фамилияси	Туғилган йили	Ўқиш жойи	Ўрни
Қурбонова Зуҳра	2005 йил	Пастдарғом туманидаги 34-мактаб ўқувчиси	1-ўрин
Любимская Далия	2004 йил	Самарқанд олимпия захиралари коллежи ўқувчиси	2-ўрин
Шермамедова Қоҳира	2005 йил	35-мактаб ўқувчиси	3-ўрин

15-17 ёшлилар (ўғил болалар)

Исми ва фамилияси	Туғилган йили	Ўқиш жойи	Ўрни
Аҳматуллаев Алишер	2002 йил	34-мактаб ўқувчиси	1-ўрин
Сафаров Алишер	2000 йил	19-мактаб ўқувчиси	2-ўрин
Расулов Азимбек	2001 йил	34-мактаб ўқувчиси	3-ўрин

15-17 ёшлилар (қизлар)

Исми ва фамилияси	Туғилган йили	Ўқиш жойи	Ўрни
Чориева Севара	2000 йил	Самарқанд ҳуқуқшунослик коллежи ўқувчиси	1-ўрин
Адашева Маржона	2001 йил	Самарқанд педагогика коллежи ўқувчиси	2-ўрин
Толмасова Асал	2002 йил		3-ўрин

18-25 ёшлилар (йигитлар)

Исми ва фамилияси	Туғилган йили	Ўқиш жойи	Ўрни
Тохиржонов Ғолиб	1997 йил	Барчаси Самарқанд давлат университети талабалари	1-ўрин
Ўткиров Бахтиёр	1996 йил		2-ўрин
Зайцев Дмитрий	1994 йил		3-ўрин

18-25 ёшлилар (қизлар)

Исми ва фамилияси	Туғилган йили	Ўқиш жойи	Ўрни
Баратова Маржона	2000 йил	Самарқанд давлат университети талабаси	1-ўрин
Хошимова Эъзоза	1996 йил	Академик лицей ўқувчиси	2-ўрин
Абдуллаева Карина	2000 йил	Самарқанд давлат университети талабаси	3-ўрин

26-40 ёшлилар (эркаклар)

Исми ва фамилияси	Туғилган йили	Ўқиш жойи	Ўрни
Норхўжаев Темурхон	1991 йил	СВВАКИУ	1-ўрин
Назаров Илҳом	1985 йил	СВВАКИУ	2-ўрин
Норметов Фарҳод	1985 йил	СВВАКИУ	3-ўрин

26-40 ёшлилар (аёллар)

Исми ва фамилияси	Туғилган йили	Иш жойи	Ўрни
Гулова Нодира	1988 йил	Самарқанд олимпия заҳиралари коллежи	1-ўрин
Шаруда Светлана	1986 йил	Чехов театри	2-ўрин
Шукурова Баҳора	1991 йил	Спорт якка кураш мактаби	3-ўрин

40 ёш ва ундан катталар (эркаклар)

Исми ва фамилияси	Туғилган йили	Иш жойи	Ўрни
Қурбонов Алишер	1977 йил	Фавқулодда вазиятлар бошқармаси ходими	1-ўрин
Қосимов Фахриддин	1977 йил	Самарқанд иқтисодиёт ва сервис институти ходими	2-ўрин
Муллажонов Фарход	1978 йил	Фавқулодда вазиятлар бошқармаси ходими	3-ўрин