Самарқанд вилояти ҳокимлиги w w w . s a m a r k a n d . u z

АКМАЛ САИДОВНИНГ САМАРҚАНД ВИЛОЯТИ САЙЛОВЧИЛАРИ БИЛАН УЧРАШУВИ

АКМАЛ САИДОВНИНГ САМАРҚАНД ВИЛОЯТИ САЙЛОВЧИЛАРИ БИЛАН УЧРАШУВИ

Ўзбекистон “Миллий тикланиш” демократик партиясидан Ўзбекистон Республикаси Президентлигига номзод Акмал Саидов 4 март куни Самарқанд вилояти сайловчилари билан учрашди. 

Учрашувни Ўзбекистон Республикаси Президенти сайловини ўтказувчи 7-Самарқанд округ сайлов комиссияси раиси Я.Аллаёров очди. Президентликка номзоднинг ишончли вакили А.Пардаев йиғилганларни номзоднинг таржимаи ҳоли билан таништирди.

Ўзбекистон Республикаси Президентлигига номзод Акмал Саидов ўз сайловолди дастури юзасидан нутқ сўзлади.

Номзоднинг сайловолди дастурида миллий тикланиш ғоясини амалга ошириш, миллий ўзликни англаш, Ўзбекистон тарихини холислик тамойилларига асосланган тарзда узлуксиз ва тизимли ўрганиш, юртимиздаги маданий ёдгорликлар, шаҳарларимизнинг миллий қиёфасини сақлаб қолишда самарали чора-тадбирларни амалга ошириш, сайёҳлик инфратузилмасини янада ривожлантириш, сайёҳлар учун мўлжалланган объектларнинг ҳар томонлама мақбул бўлиши, транспорт ва меҳмонхона хизматлари ҳамда сайёҳлик логистикасини такомиллаштириш масалаларига алоҳида эътибор қаратилган.


Учрашувда “Миллий тикланиш” демократик партияси Самарқанд вилояти кенгаши раиси ўринбосари Ҳ.Маҳкамова, партиянинг Тайлоқ тумани кенгаши раиси Ш.Беҳбудов, таълим, фан ва маданият ходимлари касаба уюшмаси Жомбой тумани кенгаши раиси З.Отамуродова ва бошқалар номзоднинг дастурида белгиланган вазифаларнинг амалга оширилиши мамлакатимизни ижтимоий-иқтисодий ривожлантириш, демократик ислоҳотларни янада чуқурлаштиришга хизмат қилишини таъкидлади. Ўзбекистон Республикаси Президенти сайлови жараёни кўппартиявийлик асосида ўтаётгани мамлакатимизда халқаро демократик тамойилларга тўла жавоб берадиган мустаҳкам миллий сайлов қонунчилиги яратилганининг тасдиғи эканини қайд этди.

Ғолиб Ҳасанов, Алишер Исроилов (сурат), ЎзА


Киритилган вақти: 04/03/2015 14:08.   Кўрилганлиги: 600
 
Материал манзили: https://samarkand.uz/press/news/akmal-saidovning-samarqand-viloyati-saylovchilari-bilan-uchrashuvi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 15

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг