Самарқанд иқтисодиёт ва сервис институтида “Иқтисодиёт ва халқимиз ҳаёт сифатини юксалтиришда хизмат кўрсатиш соҳасини ривожлантиришнинг долзарб муаммолари” мавзусида республика илмий-амалий конференцияси бўлиб ўтди.

Унда республикамиздаги соҳага дахлдор институтларнинг профессор-ўқитувчилари “Самарқанд иқтисодиёт мактабининг шаклланиши”, “Аҳоли ҳаёт даражаси ва сифати, уларни ифодаловчи кўрсаткичлар тизимини шакллантириш муаммолари”, “Таълим хизматлари самарадорлигини оширишда келлабус ва кейс-стадияларининг аҳамияти”, “Туризм хизматлар бозорида туризм тушунчасининг иқтисодий-ижтимоий моҳиятини аниқлаш масалалари” каби мавзулардаги маърузалари билан иштирок этдилар.

Тадбир доирасида институт профессор-ўқитувчилари томонидан мастер-класс ўтказилди. Унда асосан, иқтисодиёт ва сервис соҳасига оид муаммолар, уларни бартараф этиш усуллари, мамлакатимизда туризмни ривожлантиришнинг йўллари, аҳоли турмуш даражасини юксалтириш каби мавзулар юзасидан фикрлашиб олинди.