Жомбой маиший хизмат касб-ҳунар коллежида 676 нафар йигит-қиз тикув ва тикув-трикотаж буюмларига ишлов берувчи техник ва технологлар, автомобилларга техник хизмат кўрсатиш, бухгалтерия, телерадио аппаратураларини таъмирловчи уста каби еттита йўналишда билим олмоқда. 

– Айни пайтда таълим масканимизда Конституция кунига бағишланган тадбирлар белгиланган чора-тадбирлар дастури асосида ўтказилмоқда, – дейди коллеж директори ўринбосари Феруз Абдураззоқов. – Ўқувчилар ўртасида "Конституция – бахтимиз қомуси", "Сиз қонунни биласизми?" каби мавзуларда иншолар танлови, маданий-маърифий тадбир ва давра суҳбатлари ўтказилмоқда.