Булунғур педагогика коллежида «Бўш иш ўринлари» меҳнат ярмаркаси ўтказилди.

Булунғур туман ҳокимлиги, прокуратура, ички ишлар бўлими, бандликка кўмаклашиш ва аҳолини ижтимоий муҳофаза қилиш маркази ҳамкорлигида ташкил этилган тадбирда 48 та корхона-ташкилотлар 385 та бўш ва квота иш ўринлари билан қатнашдилар.

– Булунғур педагогика коллежини битираяпман, – дейди Акмал Жалолиддинов. – Уч йил давомида нафақат билим ўргандим, балки касб-ҳунарли ҳам бўлдим. Тумандаги «Мароқанд» нефть маҳсулотлари ишлаб чиқарувчи корхона билан шартнома туздим. Иш юритувчи бўлиб ишламоқчиман. Таклиф этилган маош менга маъқул бўлди.

Ярмаркада 47 нафар фуқарога ишга жойлашиш учун йўлланма берилди.

Ойбек Ҳайдаров