Самарқанд вилояти ҳокимлиги w w w . s a m a r k a n d . u z

37 НАФАР САМАРҚАНДЛИКЛАР ЎЗ УЙ-ЖОЙИГА ЭГА БЎЛИШДИ

37 НАФАР САМАРҚАНДЛИКЛАР ЎЗ УЙ-ЖОЙИГА ЭГА БЎЛИШДИ

Инсон ҳаётдан қачон рози бўлади? Қачонки, у ўз уйига эга бўлса, оиласи билан тинч-тотув яшаса. Халқимизнинг яхши одати бор - топганини тўйга, иморат қуришга сарфлайди.

Фарзандлари келажаги учун пойдевор қўяди. Бугун юртимизнинг қай бир ҳудудига борманг, шаҳару қишлоқларда бунёд этилаётган замонавий уй-жойларни кўриб, дилингиз яйрайди. 

Давлатимиз раҳбари раҳнамолигида амалга оширилаётган ислоҳотлар жараёнини янада жадаллаштириш, одамларнинг эзгу орзу-мақсадлари юзага чиқишига яқиндан кўмаклашиш, жамият ҳаётининг барча жабҳаларида туб ижобий ўзгаришларни амалга оширишга оид кенг кўламли ташаббуслар халқимиз томонидан қўллаб-қувватланмоқда.

Ўй-ташвишлари енгиллашган, мушкулига ечим топган киши янги орзу-умидлар билан яшайди, эртанги кунга ишончи янада ортади. Куч-ғайрати, билими, шижоатини эл-юрт фаровонлиги йўлида сарфлайди. 

Самарқанд шаҳар Кимёгарлар шаҳарчаси Шукрона маҳалласида яна янги уй-жойлар бунёд этилди. Ушбу 37 та уй-жойлар ногирон, кам таъминланган ва эҳтиёжманд фуқароларга бепул, доимий фойдаланиш ҳуқуқи билан тантанали равишда топширилди. Шу муносабат билан ташкил этилган тадбирда вилоят ҳокимлиги ва кенг жамоатчилик вакиллари иштирок этишди.

Уйларни топшириш маросими катта шодиёнага айланиб кетди. Уй тўйларида иштирок этиб, саховат ва оқибат тантанасига гувоҳ бўлдик. Зеро, мана шундай обод ва ораста кошоналарда эзгу ниятлар, буюк мақсадлар туғилади.


Киритилган вақти: 10/06/2019 15:22.   Кўрилганлиги: 186
 
Материал манзили: https://samarkand.uz/press/news/37-nafar-samarqandliklar-oz-uy-joyiga-ega-bolishdi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 8

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг