Вилоят ҳокими вазифасини бажарувчи Эркинжон Турдимов Самарқанд шаҳри аҳолисининг муаммоли масалаларига тезкорлик билан ечим топиш мақсадида сайёр қабул ўтказди.

Кимёгарлар шаҳарчасида ташкил этилган қабулда фуқароларнинг 220 дан кўпроқ мурожаати тингланди.

Мурожаатларнинг аксарияти аҳолига тиббий хизмат кўрсатиш, банк кредити ажратиш, тадбиркорликни қўллаб-қувватлаш, ижтимоий ёрдам кўрсатиш, шунингдек, фуқароларнинг ҳақ-ҳуқуқини тиклаш масалаларида бўлди.

– Қурбон ҳайити байрами нишонланаётган шу кунларда одамларнинг дардини эшитиш, уларнинг оғирини енгил қилиш ҳам эзгу амаллардан биридир, - деди Э.Турдимов. – Бу билан Муҳтарам Президентимизнинг “Халқ давлат идораларига эмас, давлат идоралари халқимизга хизмат қилиши керак” деган гапларининг ҳаётий ифодасини кўрсатган бўламиз.

Анъанага кўра, ҳар бир мурожаатнинг ечими бўйича масъуллар томонидан чора-тадбирлар белгиланди. Мутасаддиларга “тушунтириш берилди”, “ўрганиляпти”, “жараёнда” каби умумий гаплар эмас, ҳар бир мурожаатнинг ечими бўйича жавоблар киритиш топширилди.

ҲОКИМЛИК АХБОРОТ ХИЗМАТИ