Самарқандлик меҳмонлар қадимий Хўжанд шаҳрининг диққатга сазовор жойлари бўйлаб экскурсияга чиқди.

Шаҳарнинг қоқ ўртасидан феруза тусда оқиб ўтувчи Сирдарё суви, атрофини ўраб турган юксак тоғлари, тоза-озода кўчалар, маданий-маърифий муассасалару замонавий иншоотлар билан ҳамоҳанг Хўжанд шаҳри кишида ўзгача таассурот қолдиради.

Самарқандликлар учун Суғд топилма ёхуд улкан ҳайрат нишони эмасдир, аммо бир неча ўн йиллар давомида ушбу вилоятлар аҳолиси қалбида яшаб келган дўстлик, қариндошлик, меҳр ришталари узоқ йилдан сўнг ўзанига тушгани ҳақиқий ҳайрат нишони, десак муболаға бўлмайди.

Гулруҳ Мўминова, Шуҳрат Шокиржонов, Бахтиёр Мустанов.

Самарқанд - Хўжанд - Самарқанд.